ພະແນກເຕັກໂນໂລຊີ ແລະ ການສື່ສານ ແຂວງອັດຕະປືສະຫຼຸບວຽກງານປະຈໍາປີ 2021 - 2022.

16/03/2022

ພະແນກເຕັກໂນໂລຊີ ແລະ ການສື່ສານ ແຂວງອັດຕະປືສະຫຼຸບວຽກງານປະຈໍາປີ 2021 - 2022.

ພະແນກເຕັກໂນໂລຊີ ແລະ ການສື່ສານ ແຂວງອັດຕະປືສະຫຼຸບວຽກງານປະຈໍາປີ.ກອງປະຊຸມພະແນກເຕັກໂນໂລຊີ ແລະ ການສື່ສານແຂວງອັດຕະປື ໄດ້ຈັດຂຶ້ນໃນວັນທີ 10 ມີນາ 2022 ນີ້,ທີ່ຫ້ອງປະຊຸມສະພາປະຊາຊົນແຂວງໂດຍການເປັນປະທານຂອງທ່ານ ຂັນທອງ ຍິ້ນດາວົງ ຫົວໜ້າພະແນກເຕັກໂນໂລຊີ ແລະການສື່ສານແຂວງ, ໃຫ້ກຽດເຂົ້າຮ່ວມມີທ່ານ ນາງ ບຸນນານ ບຸນນະແສງ ຄະນະປະຈຳພັກ, ຫົວຫນ້າຄະນະໂຄສະນາອົບຮົມແຂວງ, ມີແຂກຖືກເຊີນແລະພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມຄັ້ງນີ້, ແມ່ນເພື່ອເປັນການທົບທວນຕີລາຄືນການຈັດຕັ້ງປະຕິບັດວຽກງານປະຈໍາປີ 2021 ແລະ ວາງທິດທາງແຜນການປີ 2022. ຕະຫລອດໄລຍະ 1 ປີຜ່ານມາວຽກງານເຕັກໂນໂລຊີ ແລະ ການສື່ສານແຂວງ ກໍມີຫລາຍດ້ານປະສົບຜົນສໍາເລັດ ເຊິ່ງສະແດງອອກດ້ານວຽກງານວິຊາສະເພາະ ການຄຸ້ມຄອງການບໍລິການດ້ານໄປສະນີ ອອກໃບອະນຸຍາດໃຫ້ບັນດາບໍລິສັດໄດ້ 7 ບໍລິສັດ, ທຽບໃສ່ປີ 2020 ເພີ່ມຂຶ້ນ 4 ບໍລິສັດ; ໄດ້ຕິດຕາມ, ຊຸກຍູ້ ການເກັບກູ້ໜີ້ສິນ ຂອງບໍລິສັດໄປສະນີລາວ ສາຂາແຂວງ ຈຳນວນ 305.094.136 ກີບທີ່ຍັງຄ້າງ, ໜີ້ສິນສະຖາບັນເງິນຝາກປະຢັດ 61.575.111ກີບ ແລະ ເງິນໂອນ K22 ມີ 243.515.025 ກີບ;ວຽກງານຄຸ້ມຄອງດ້ານໂທລະຄົມມະນາຄົມຄື້ນຄວາມຖີ່ມີສັນຍານໂທລະສັບກວມ100%ສັນຍານອິນເຕີເນັດລະບົບ3G, 4G, 5 Gກວມ 90% ໃນທົວແຂວງ,ຄຸ້ມຄອງຂຶ້ນທະບຽນຊິມ ປັດຈຸບັນບັນລຸໄດ້50.493ໝາຍເລກເທົ່າກັບ 39,41%,ວຽກຄຸ້ມຄອງໂຄງການລົງທຶນ ແລະ ງົບປະມານ ຂອງລັດແມ່ນສຳເລັດການສ້າງແຜນງົບປະມານ ລາຍຮັບ-ລາຍຈ່າຍ, ແຜນຄາດຄະເນລາຍຮັບ ຄ່າທຳນຽມ-ຄ່າບໍລິການ ປະຈຳປີ ແລະ ອື່ນໆ.ພ້ອມກັນນັ້ນໄດ້ປະສານສົບທົບກັບຂະແຫນງການທີ່ກ່ຽວຂ້ອງ ເພື່ອດຳເນີນການກວດກາ, ປະເມີນ ແລະ ສືບຕໍ່ໂຄງການກໍ່ສ້າງ ຫ້ອງການພະແນກ ຕສ ຫຼັງໃໝ່ ທີ່ມີມູນຄ່າລົງທຶນຕາມສັນຍາໃຫ້ສໍາເລັດຕາມລະດັບຂາຍໝາຍນອກນີ້ກອງປະຊຸມຍັງໄດ້ປຶກສາຫາລືປະກອບຄໍາຄິດຄໍາເຫັນເຂົ້າໃສ່ບົດສະຫຼຸບແລະວາງແຜນທິດທາງແຜນການເພື່ອການຈັດຕັ້ງປະຕິບັດວຽກງານເຕັກໂນໂລຊີແລະການສື່ສານໃນຕໍ່ຫນ້າໃຫ້ໄດ້ຮັບຜົນດີຂື້ນເລື່ອຍໆ.ແຫ່ລງ:ຂ່າວສານອອນລາຍອັດຕະປື

 
 
 

 

 
 
 
 
 
 
 
 
 

 

ກຽ່ວກັບຂໍ້ກົດໝາຍ
ເນື້ອຫາສື່ສັງຄົມອອນລາຍ
ວາລາສານໄອຊີທີ
ພະແນກເຕັກໂນໂລຊີ ແລະ ການສື່ສານ ແຂວງອັດຕະປື