ພະແນກເຕັກໂນໂລຊີ ແລະ ການສື່ສານແຂວງ ໄດ້ຈັດພິທີປາຖະກາຖາເອກະສານສຳຄັນ ຂອງພັກ ຂອງຊາດ ໃຫ້ພະນັກງານ -ລັດຖະກອນ

05/04/2022

ພະແນກເຕັກໂນໂລຊີ ແລະ ການສື່ສານແຂວງ ໄດ້ຈັດພິທີປາຖະກາຖາເອກະສານສຳຄັນ ຂອງພັກ ຂອງຊາດ ໃຫ້ພະນັກງານ -ລັດຖະກອນ

ໃນຕອນເຊົ້າຂອງວັນທີ 5 ເມສາ​ 2022​ ພະແນກເຕັກໂນໂລຊີແລະ​ ການສື່ສານແຂວງ​ ໄດ້ຈັດພິທີປາຖະກາຖາເອກະສານສຳຄັນຂອງພັກ​ ຂອງຊາດໃຫ້ພະນັກງານ - ລັດຖະກອນຂື້ນທີ່ຫ້ອງປະຊຸມຂອງ​ພະແນກ​ ໂດຍພາຍໄຕ້ການເປັນປະທານຂອງທ່ານ ຂັນທອງ ຍີ້ນດາວົງ ເລຂາ ຄະນະພັກຮາກຖານ ຫົວໜ້າ​ ພະແນກ​ ມີຄະນະພັກຄະນະພະແນກ, ຫົວໜ້າຂະແໜງ, ຮອງຂະແໜງ ແລະ ວິຊາການເຂົ້າຮ່ວມທັງໝົດ 20 ຄົນ, ຍິງ 07 ຄົນ.ເອກະສານນຳມາເຜີຍແຜ່ຄັ້ງນີ້ມີເອກະສານສຳຄັນຈຳນວນ 06 ເອກການສານ ຄື: ເອກະສານຄຳສັ່ງ01, ຄຳສັ່ງ 02 ຂອງກົມການເມືອງສູນກາງພັກ ວ່າດວ້ຍການແກ້ໄຂຄວາມຫຍຸ້ງຍາກທາງດ້ານເສດຖະກິດ - ການເງິນ ,ເອກະສານການສະກັດກັ້ນ ແລະ ແກ້ໄຂບັນຫາຍາເສບຕິດ, ເອກະສານເສີມຂະຫຍາຍມູນເຊື້ອການນຳພາຂອງພັກປະຊາຊົນປະຕິວັດລາວ ຄົບຮອບ 67 ປີ ( 22 ມີນາ 1955-22 ມີນາ 2022), ວັນຄຽດແຄັນ ຂອງປະຊາຊົນລາວ - ວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອບ 76 ປີ (21 ມີນາ 1946–21 ມີນາ 2022), ຜົນສຳເລັດການພົບປະລະຫວ່າງ ກົມການເມືອງສູນກາງພັກປະຊາຊົນປະຕິວັດລາວ ແລະ ກົມການເມືອງສູນກາງພັກຄອມມຸຍນິດ ຫວຽດນາມ ແລະ ເອກະສານ ຜົນສຳເລັດກອງປະຊຸມ ຄັ້ງທີ 44 ປະຈຳປີ 2022 ຂອງຄະນະກຳມະການຮ່ວມມືທະວີພາຄີ ລະຫວ່າງ ລັດຖະບານລາວ ແລະ ລັດຖະບານແຫ່ງ ສສ ຫວຽດນາມ.

ໃນພິທີຄັ້ງນີ້ ໄດ້ມີການຜັດປຽ່ນກັນເຜີຍແຜ່ເອກະສານໂດຍ ທ່ານ ຂັນທອງຍີ້ນດາວົງ ເລຂາຄະນະພັກຮາກຖານ ຫົວໜ້າພະແນກ,​ ແລະ ທ່ານ ພູສະໄຫວ ດວງມະນີ ຄະນະພັກຮາກຖານ ເລຂະໜ່ວຍພັກ ຮອງຫົວໜ້າພະແນກ ເຕັກໂນໂລຊີ ແລະ ການສື່ສານແຂວງ.

 

ກຽ່ວກັບຂໍ້ກົດໝາຍ
ເນື້ອຫາສື່ສັງຄົມອອນລາຍ
ວາລາສານໄອຊີທີ
ພະແນກເຕັກໂນໂລຊີ ແລະ ການສື່ສານ ແຂວງອັດຕະປື