ກົມກວດກາ ກະຊວງ ເຕັກໂນໂລຊີ ແລະ ການ ສື່ສານ ລົງເຄື່ອນໄຫວວຽກງານຢູ່ແຂວງ ອັດຕະປື (27.ຕຸລາ 2022)

22/11/2022

ກົມກວດກາ ກະຊວງ ເຕັກໂນໂລຊີ ແລະ ການ ສື່ສານ ລົງເຄື່ອນໄຫວວຽກງານຢູ່ແຂວງ ອັດຕະປື (27.ຕຸລາ 2022)

ທີ່ຫ້ອງປະຊຸມ ພະແນກ ເຕັກໂນໂລຊີ ແລະ ການສື່ສານ ແຂວງ ອັດຕະປື ໄດ້ຈັດກອງປະຊຸມຮ່ວມເຮັດວຽກກັບຄະນະຕິດຕາມ, ກວດກາລັດຈາກກົມກວດກາ ກະຊວງ ຕສ .ໂດຍໃຫ້ກຽດເປັນປະທານໂດຍທ່ານ ຄຳໄມ ແພງວົງສາ ຮອງຫົວໜ້າກົມກວດກາ ກະຊວງ ຕສ, ພ້ອມດ້ວຍຄະນະທິມງານຕິດຕາມກວດກາ, ມີຄະນະພັກ, ຄະນະພະແນກ, ຫົວໜ້າ-ຮອງຂະແໜງ ແລະ ວິຊາການທີ່ກ່ຽວຂ້ອງເຂົ້າຮ່ວມຈຳນວນ 21 ທ່ານ, ຍິງ 10 ທ່ານ;

ໃນໂອກາດດັ່ງກ່າວນີ້ ທ່ານ ຂັນທອງ ຍິ້ນດາວົງ ເລຂາຄະນະພັກຮາກຖານ, ຫົວໜ້າພະແນກ ຕສ ກໍ່ໄດ້ໃຫ້ກຽດຂຶ້ນຜ່ານບົດລາຍງານ ສະພາບລວມ ແລະ ຜົນສຳເລັດການເຄື່ອນໄຫວ ແລະ ຈັດຕັ້ງປະຕິບັດ ວຽກງານຕິດຕາມກວດກາ ຂອງພະແນກ ຕສ ແຂວງໂດຍສັງເຂບ ແລະ ສະເໜີບັນຫາ ແລະ ປ່ຽນຄໍາຄິດ-ຄໍາເຫັນຕ່າງໆຈາກຜູ້ເຂົ້າຮ່ວມກອງປະຊຸມ;ທ້າຍກອງປະຊຸມກໍ່ໄດ້ຮັບຟັງການມີຄໍາເຫັນໂອ້ລົມ ແລະ ໃຫ້ທິດຊີ້ນໍາຈາກ ທ່ານ ຄຳໄມ ແພງວົງສາ ຮອງຫົວໜ້າກົມກວດກາ ກະຊວງ ຕສ ທ່ານກໍ່ໄດ້ໃຫ້ທັດສະນະສະແດງຄວາມຍ້ອງຍໍຊົມເຊີຍມາຍັງຄະນະພັກ, ຄະນະພະແນກ,ຕະຫຼອດຮອດພະນັກງານ-ລັກຖະກອນທັງໝົດທີ່ໄດ້ສຸມທຸກສະຕິປັນຍາ ແລະ ເຫື່ອແຮງປະກອບສ່ວນເຂົ້າໃນວຽກງານ ຕສ ເວົ້າລວມ ເວົ້າສະເພາະ ກໍ່ແມ່ມວຽກງານຕິດຕາມກວດກາ. ແຕ່ຄຽງຄູ່ກັບຜົນງານທີ່ຍາດມາໄດ້ນັ້ນ ທ່ານກໍ່ຍັງໄດ້ສະແດງຄວາມເປັນຫ່ວງເປັນໄຍຕໍ່ສິ່ງທ້າທາຍ, ການຫັນປ່ຽນໃໝ່ຂອງຍຸກສະໄໝ, ເຕັກໂນໂລຊີ-ຂໍ້ມູນຂ່າວສານ, ການສື່ສານ ມີການຂະຫຍາຍຕົວຢ່າງວ່ອງໄວ, ສະນັ້ນຮຽກຮ້ອງມາຍັງຄະນະພັກ, ຄະນະນໍາ ຕະຫຼອດຮອດສະມາຊິກພັກ, ພະນັກງານ-ລັດຖະກອນ ຕ້ອງໄດ້ຍົກສູງສະຕິຄວາມຮັບຜິດຊອບ ຂອງຕົນໃນການພັດທະນາ, ຍົກລະດັບຂີດຄວາມຮູ້, ຄວາມສາມາດທາງດ້ານວັດຖຸເຕັກນິກ, ວຽກງານການເມືອງ-ເເນວຄິດ, ເຊື່ອໝັ້ນຕໍ່ການນໍາພາຂອງພັກ-ລັດຖະບານ ເພື່ອຮອງຮັບກັບສະພາບການຄຸ້ມຄອງບໍລິຫານບໍລິການ ໂດຍນໍາໃຊ້ເຕັກໂນໂລຊີຂໍ້ມູນຂ່າວສານເຂົ້າຊ່ວຍ ເພື່ອໃຫ້ມີຄວາມວ່ອງໄວ,ໂປ່ງໃສ ແລະ ເຂັ້ມແຂງ, ຕ້ອງໄດ້ເອົາໃຈໃສ່ສູ້ຊົນປະສານສົມທົບ, ຂັ້ນເທິງ, ຊຸກຍູ້ຕິດຕາມບັນດາບໍລິສັດທີ່ໃຫ້ບໍລິການດ້ານໄປສະນີ ແລະ ລະຄົມມະນາຄົມ ເພື່ອຂະຫຍາຍຕາໜ່າງການບໍລິການໃຫ້ທົ່ວເຖິງ ພ້ອມກັນນັ້ນກໍ່ຕ້ອງໄດ້ຫັນເອົາແນວທາງ, ແຜນການນະໂຍບາຍຂອງພັກ, ບັນດານິຕິກໍາ, ລະບຽບກົດໝາຍນໍາມາເຊື່ອມຊຶມ, ຈັດຕັ້ງຜັນຂະຫຍາຍ ໃນຂົງເຂດຕົນຮັບຜິດຊອບ ໃຫ້ໄດ້ຮັບຜົນສຳເລັດຕາມຄາດໝາຍທີ່ວາງໄວ້.

 

ກຽ່ວກັບຂໍ້ກົດໝາຍ
ເນື້ອຫາສື່ສັງຄົມອອນລາຍ
ວາລາສານໄອຊີທີ
ພະແນກເຕັກໂນໂລຊີ ແລະ ການສື່ສານ ແຂວງອັດຕະປື